Plantun de Prouvènço

Pèr coumpara dos planto d'encò nostre

Cyperus flavescens & Humulus lupulus

Cyperus flavescens

Cyperaceae

Nom en français : Souchet jaunâtre.

Descripcioun :
Aquéu triangle trachis en ribo d'aigo. Fai d'espigo verdo, jaunasso à la baso, bèn desestacado lis uno dis autro emé tres à cinq lòngui bratèio. Sèmblo proun à Cyperus fuscus, mai pas pèr la coulour. Pamens a la coulour de Cyperus eragrostis mai, coume l'avèn dis, lis espigo soun pas proche eici.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 35 (50) cm
Fueio : costo paralèlo
Tipe bioulougico : Teroufite
Cicle bioulougico : Planto de l'an

Gènre : Cyperus
Famiho : Cyperaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 4 à 6 cm
Flourido : Estiéu

Sòu : Ca
Autour basso e auto : 0 à 1200 m
Aparado : Noun

Liò : Ribiero
Estànci : Termoumediterran à Coulinen
Couroulougi : Cousmoupoulito
Ref. sc. : Cyperus flavescens L., 1753

Óubloun

Humulus lupulus

Cannabaceae

Àutri noum : Barbouto, Vigno-dóu -Nord.

Noms en français : Houblon, Houblon grimpant.

Descripcioun :
Cadun counèis li pigno (enflourejado) dóu óubloun que douno à la biero soun goust. Es uno planto coumuno au nostre dins li relarg umide e proche d'aigo. Se recounèis peréu à si fueio di tres partido (de cop que i'a entiero) e à si lòngui liano.

Usanço :
Aleva pèr la biero, li pigno podon perfuma mant uno bevèndo o èstre manjado. Ajudon à dourmi (dins d'ùni relarg se n'en fai de coussin). Fau saupre peréu que li jóuini cambo soun manjadisso coume d'espargo. Ei poussible d'utilisa li tijo pèr la banastarié.